sábado, outubro 13, 2018

Día das Escritoras 2018




"Rebeldes y transgresoras es el lema de la tercera edición del Día de las Escritoras que se celebrará el próximo 15 de octubre en la Biblioteca Nacional de España.



La iniciativa, impulsada por la BNE, la Federación Española de Mujeres Directivas, Ejecutivas, Profesionales y Empresarias (FEDEPE) y la Asociación Clásicas y Modernas (CyM), nació en 2016 con vocación de continuidad y se celebra el lunes más próximo a la festividad de Teresa de Jesús. El objetivo es difundir el legado cultural de las escritoras de ámbito hispánico e hispanoamericano y recordar las dificultades que en el pasado impidieron tanto el desarrollo de su obra, así como reconocer su labor cultural. El acto consiste en la lectura de veintiún breves fragmentos de textos escritos por autoras españolas e hispanoamericanas, participando en el mismo personalidades de reconocido prestigio social y cultural, con una especial representación de creadoras en activo".



Visto en Docugénero.






mércores, outubro 03, 2018

Soengas metastaseounos

Hai días na vida dun centro que perduran na memoria. Deses días especiais, porque hai algún elemento que nos fai distorsionar as aulas para vivir aventuras memorables. Este luns foi un deses. 
Estaba todo preparado? Case non tiveramos tempo... o comezo do curso, as festas, e xa estaba aí o día 1 de outubro. Inauguración do curso académico ao grando: Marisol Soengas daba nome á aula de 2º de Bacharelato de Ciencias  e estaría connosco para compartir a súa sabedoría.
O que non sabiamos era que esta muller, número 1, é a humildade e a bonhomía en persoa. Ten un sorriso constante, un agradecemento continuo... É unha lección de vida. Non tardou moito en conquistarnos. É unha persoa tan próxima, é tan doado falar con ela... que o tempo voou. Maldito tempo que non permite que esta gran muller comparta máis espazo connosco.
Pero a súa pegada queda para sempre. Ademais, comparte "leira" con Ángel Carracedo... Algún día o noso recén inaugurado Corredor da Ciencia estará completo. Sería incrible xuntar a todas estas personalidades!!!



Marisol é tan especial que escribe no seu Facebook cousas coma estas:

So proud of being a scientist... La ciencia tiene muchos sinsabores, pero hay días en los que querrías saltar de alegría... y no solo por mí, casi tanto, por mi familia.

Yesterday I cried. Of pure joy. For being a scientist. For the possibility of helping others in research and in education, and even more so, when presented with a plaque and an award in my honor at a high school close where I was born...Hay momentos en esta vida que te dejan sin palabras, que te emocionan de tal manera que quisieras que se bloquease el tiempo. Instituto de Educación Secundaria Laxeiro en Lalín...no sé cómo agradecer el homenaje tan cariñoso que me habéis hecho! He dado muchas charlas para estudiantes, pero ninguna con un recibimiento con una banda de música... ni tampoco con una escultura maravillosa! Y desde luego, nunca había tenido la oportunidad de descubrir una placa personalizada, con un sol, cromosomas, y pequeños investigadores en la sombra para dar nombre a un laboratorio... todo esto con el himno gallego de fondo!!! Y el interés de los/las estudiantes en segunda charla sobre mujer y ciencia...indescriptible.














Tamén na prensa:

https://www.lavozdegalicia.es/noticia/deza/agolada/2018/10/02/mujeres-capacescurriculo/0003_201810D2C8991.htm


https://www.farodevigo.es/portada-deza-tabeiros-montes/2018/10/02/ciencia-perspectiva-genero/1971994.html


sábado, setembro 29, 2018

Homenaxe a Marisol Soengas

O próximo luns, 1 de outubro, inauguramos o curso escolar así, ao grande: con Marisol Soengas. Con ela inauguramos asemade o Corredor da Ciencia.

Marisol Soengas González, Agolada (Pontevedra) 1968, doutorouse en Bioquímica e Bioloxía Molecular na Universidade Autónoma de Madrid en 1996. Posteriormente, iniciou unha etapa de investigación en EE UU, no Cold Spring Harbor Laboratory de Nova York e na Universidade de Michigan. En 2008, regresa a España ao Centro Nacional de Investigacións Oncolóxicas (CNIO), onde dirixe o Grupo de Melanoma, o mesmo que en 2009 identificou un composto sintético capaz de desencadear a destrución masiva das células deste cancro de pel, achado que mereceu a portada da prestixiosa revista científica Cell, e descubriu 40 xenes específicos do melanoma en 2014. É unha das investigadoras máis prestixiosas do mundo na loita contra o melanoma, o cancro de pel máis común e tamén o máis letal. Formouse xunto á histórica científica Margarita Salas e o seu exemplo serviulle para que sempre considerase natural que unha muller ocupase cargos de responsabilidade na ciencia. Toda unha honra para a comunidade do IES Laxeiro contar coa súa presenza entre nós e poder adicarlle un espazo do noso instituto.



martes, agosto 28, 2018

Alfabeto humano







Todas as persoas no mundo, as culturas e modos de ser
encaixan no alfabeto , do A ao Z. 
As letras son as palabras que definen todo o que somos.
(Ilustración de  Francisco Rovira )
 

xoves, xullo 05, 2018

Efectos da lectura

Estraños efectos da lectura. Libros como o que está lendo Enriqueta están ben para lelos deitada na cama.


mércores, xuño 20, 2018

Videopoema (39)

Videopoema realizado por Adriana Pampín  sobre o poema de Carlos Negro, "Es una chica chic? (Autocuestionario)".

Mordes as unllas ou lévalas á última?
As unllas úsoas para rabuñar a pel dos peluches.

Prefires barra de labios ou brillo?
Prefiro óxido na lingua, cuspe e dinamita.

Cal é a túa pose favorita?
A posición dunha percha no armario.

Estás apuntada a clases de dance?
Estou apuntada a unha danza de contradicións.

Gústanche os gatiños como mascotas?
Escollo o negro da pel da pantera.

Canto tempo pasas fronte aos espellos?
Procuro esquivalos para que non me devoren.

Cal é o teu mellor truco de beleza?
Dubidar, non sentirme evax fina y segura.

Como imaxinas a un chico dez?
Case tan perdido coma min, pero sen tetas.

Es feliz?
Nin se me pasa pola cabeza ser un parrulo no estanque.


martes, xuño 19, 2018

Videopoema (38)

Videopoema realizado por Carlota Vázquez Pacheco sobre o poema de Xoán Abeleira, "Agora, Dime como fixeches." .


Agora, Dime como fixeches.
Pra esquecer o que fomos
E o tanto que significamos
Dime de ónde quitaches
Azos pra aniquilares
Iste amor que procuramos
Procurándonos con devezo
Dimo porque eu non sei
Apréndeme que eu non podo

luns, xuño 18, 2018

Videopoema (37)

Videopoema realizado por Cristina Guerra Vila sobre o poema de Luz Pozo García, "Far blues" .

Naquela cidade
onde unha rapaza escribía un diario secreto
na noite
mentres o soño desvalido semellaba finxir
silencios compartidos
nesa vella cidade do norte
o primeiro poema de amor flutuaba
coma un blues nostálxico na noite.
Só quería saber
por qué as cordas permanecen vibrando coma labios
e qué queda do diario secreto
na noite desvalida.
Querería saber daquel río esvaído do soño
tal unha despedida sen retorno,
do silencio curvado nunha praza deserta e antiga.
¿Onde vai o primeiro poema de amor
a materia sonora dun blues fuxidío
a inocencia primeira?

domingo, xuño 17, 2018

Videopoema (36)

Videopoema realizado por Lúa Sánchez sobre o poema de Kiko Neves, "Os silencios"

Videopoema (35)

Videopoema realizado por José Silva Barros sobre o poema de Eva Veiga ,"Coñezo un lugar".

Coñezo un lugar-e non é lenda-
onde as noites
nas que a lúa empreña,
ós cans médralles o corazón
e ouvean.


sábado, xuño 16, 2018

Videopoema (34)

Videopoema realizado por Sara Granja  sobre o poema de Carlos Negro, "Sección de conxelados".




Videopoema realizado por Iria Donsión  sobre o poema de Carlos Negro, "Sección de conxelados".

venres, xuño 15, 2018

xoves, xuño 14, 2018

Videopoema (32)

Videopoema realizado por Alba Gómez Barros  sobre o poema de Ana Mª Fernández, "Envellecer".

Mira os avós.
Antes eran máis grandes,
máis altos,
máis anchos...
pero devecen coma as follas sen zume.

Aseguran que o tempo é o único culpable,
un furtivo que chega cos dentes afiados
a cravárselles no rostro
mentres dormen
mentres botan farangullas ás pombas dos xardíns
ou xogan coma nenos.

A miúdo falan de vidas que pasaron
e argallan historias,
ao quentaren as mans
sobre a seda dos lumes.

Os avós envellecen devagar,
pero ninguén pode arrincarlles o sorriso,
porque gardan
o segredo do futuro,
máis alá dos seus ollos pequenos.


mércores, xuño 13, 2018

Videopoema (31)

Videopoema realizado por Sheila Iglesias  sobre o poema de Rosalía de Castro, "Agora cabelos negros"

Agora cabelos negros,
máis tarde cabelos brancos;
agora dentes de prata,
mañán chavellos querbados;
hoxe fazulas de rosas,
mañán de coiro enrugado.
Morte negra, morte negra,
cura de dores e engaños:
¿por qué non mata-las mozas
antes que as manten os anos?

martes, xuño 12, 2018

Videopoema (30)

Videopoema realizado por Lorena Vázquez Codesido  sobre o poema de Pilar Pallarés, "Ás veces digo amor"

As veces digo amor
e só teño silencio
ás veces digo patria
e sei somente que esta é a terra que nos deron
e nela asento os meus pasos para sempre
sen máis perguntas ensarillando o vento
ás veces digo amor
e ninguén fala
e segue o tempo caindo lentamente
medido polo espasmo do reloxe
e ti pasas
sen mirar sen me mirar
como un fantasma enviso aqueloutrado
sen me ver
e sigo un pouco máis
calada
levo o selo do teu desleixamento sobre os beizos
e sinais no meu brazo da tua auséncia
levo o rosto mancado e os dentes malferidos
de tanto afastamento
ás veces verto os ollos sobre a terra
miro de esguello a fiestra do suicida
repito amor
e só ecoa o siléncio no baldeiro.

Pilar Pallarés "Sétima Soidade" 1984


luns, xuño 11, 2018

domingo, xuño 10, 2018

Videopoema (28)

Videopoema realizado por Valeria Fernández  sobre o poema de Lupe Gómez, "Se te enamoras"

Se te enamoras
 vaste e non volves.
Ou chegas e miras todo
como unha estranxeira.