luns, novembro 12, 2018

Novembro contra a violencia de xénero (II)

 I Concurso 25 de novembro-Imaxe gráfica




Despois dunha longa reflexión na aula  sobre o significado da violencia de xénero e as súas consecuencias na nosa sociedade, sobre todo na xuventude, xa que é o ámbito que máis nos preocupa por ser a parte coa que traballamos, o alumnado tentou plasmar graficamente a nosa postura contra esta lacra social que vén dada dunha concepción de sociedade patriarcal que se alonga no tempo. É por iso que se realizaron varios carteis e entre todos e todas os alumnos e alumnas da aula de Valores éticos de 1º ESO C escolleron o traballo de Laura Cacheda Fernández por ser o que mellor resumía e representaba o sentir de todos e todas.
A imaxe gráfica representa a árbore da “violencia cero” cuxas follas son lazos violetas (símbolo da loita contra a violencia de xénero), algunhas delas con lemas en positivo resaltando os valores que deben predominar na sociedade e outras cos contravalores que debemos rexeitar.





venres, novembro 09, 2018

Novembro contra a violencia de xénero (I)



Comezamos onte con  música, cunha montaxe con perspectiva de xénero que aborda as mensaxes de cancións que son en realidade mensaxes machistas ou violentas agochadas en forma de amor.




 O mes de novembro estará dirixido a concienciar a todo o alumnado o instituto contra unha lacra que ten o cume na morte pero que comeza cunha soa palabra, cun só xesto. Serán moitas e variadas. Por iso, onte, o alumnado de 2º e de 3º de ESO acudiu ao auditorio da vila para entender como moitas das cancións que tararean habitualmente non son nin sequera aceptables. Un espectáculo a cargo de Chevere, un proxecto pedagóxico musical que baixo o título "I 'll be watching you" ("Hei estar vixiándote") analiza cancións como "¿Dónde está el amor?" de Pablo Alborán, "Mala mujer" de Ctangana, "No soy una de esas" de Jessy&Joy e Alejandro Sanz ou "4 babie" de Maluma.










xoves, novembro 08, 2018

IX día da Ciencia en Galego (IV)


E seguimos falando en galego científico!

Pedro Augusto Agostini Infante, ex alumno do centro e estudante de doutorado no IFGAE (Instituto Galego de Física de Altas Enerxías) deu onte, día 7 de novembro, unha conferencia ao alumnado do bacharelato científico sobre a interacción nuclear forte.
En primeiro lugar, para situar en materia ao alumnado, fixo unha pequena introdución na que falou das catro forzas existentes na natureza e de como fora evolucionando a idea de átomo ata o modelo actual.
Unha vez chegado a este punto, centrouse xa na interacción forte describindo as súas características e por que é a responsable de que os núcleos atómicos sexan estables. Falou tamén dos experimentos realizados nos principais aceleradores de partículas e que permiten medir esta interacción.
Para finalizar coa conferencia, e antes de dar paso ás preguntas do alumnado, explicoulle a este o campo no que actualmente está investigando o seu grupo, o plasma de quarks e gluóns e a importancia do seu coñecemento para determinar os instantes iniciais do Universo.






martes, novembro 06, 2018

IX día da Ciencia en Galego (III)

 Estes son os experimentos que se desenvolveron no Día da Ciencia:
  • APLICACIÓNS DO PRINCIPIO DE ARQUÍMEDES: UXÍA RAPADO GONZÁLEZ E JULLIANA SILVA DE AMORIM. 3º ESO B
  • DEFORMACIÓNS NA CODIA TERRESTRE: ADRIANA PAMPÍN DIÉGUEZ, IKER CALVO PÉREZ e SARA GRANJA SANMARTÍN. 4ºESO B
  • DEMOSTRACIÓN DO MAGNETISMO (auga e bola) : roberto gil, javier Fernández González e isabel Vilar Iglesias. 4ºESO B
  • CORRENTES DE CONVECCIÓN: Noa Calviño Lodeiro E Alondra Abigail González Carreto - 4º ESO B
  • microscopia óptica: FÁTIMA jacome iglesias, clara arias fernández - 4º ESO B
  • EXPANSIÓN DO FONDO OCEÁNICO NA DORSAL: Paula Gutiérrez, Lucía Fernández e Lorena González.- 4º ESO C
  • SIMULANDO UNHA ERUPCIÓN VOLCÁNICA: Por Laura Couto González, Fran Blanco Lareu e Andrea Carballude Beleda, 4º ESO C
  • EXPLORANDO ÁCIDOS E BASES CUN INDICADOR NATURAL. NAIR SAAVEDRA e PAULA VÁZQUEZ – 4º ESO C
  • IDENTIFICACIÓN DE BIOMOLÉCULAS NOS ALIMENTOS. Oliver Barriento, e andrés do barro – fpbII.
  • FORMACIÓN DE GASES. ÁNXELA ADÁN, BRAIS GONZÁLEZ PENELA - 4º ESO C
  • SERPE NEGRA. LOIS CARRAL, LUCÍA RODRÍGUEZ FRADE- 4º ESO C
  • SUBMARIÑOS. Lucas Daparte, Alejandro Matanzas, Lucía Pereiro- 4º eso b


Algunhas fotos de como transcorreu o día da Ciencia













Tamén o recolle a  prensa:



luns, novembro 05, 2018

mércores, outubro 31, 2018

Samaín

O alumnado de 1º de ESO celebrou o Samaín coa súa profesora de Lingua Galega, Pilar López, na aula do seguinte xeito:

Dividimos a aula en grupos de 4 alumnas/-os. Cada un delxs encargouse dunha tarefa:
  1. Buscar información sobre o Samaín para ao final da clase explicarnos ao resto que era o Samaín
  2. Recortar morcegos e arañas.
  3. Deseñar letras coa palabra SAMAÍN
  4. Decorar a aula.




Ao día seguinte pregunteilles que lles suxería a palabras SAMAÍN. Este foi o resultado: nube 




Ademais, terán que entregar un microrrelato de terror.

martes, outubro 30, 2018

Pasos que se volverán grandes

O curso pasado comezamos cos primeiros xermolos e imos dándolle forma. Onte á mediodía veu Susi Payo a formanos sobre o tema da prostitución, nunha xornada máis que interesante, onde o debate e multitude de preguntas fixeron acto de presenza de xeito espontáneo,
Grazas Susi, por comezar ti esta andaina pola Igualdade no noso centro de ensino.




mércores, outubro 24, 2018

Xa temos axudantes!

Ademais de formación de usuaurixs durante estas semanas, hoxe celebramos o Día da Biblioteca nomeando a uns mozos e mozas como "bibliotecarias", axudantes da biblioteca. A partir de agora teremos quen nos bote unha man nos reccreos, que ben nos cómpre!!!
Unha idea de hai anos feita realidade por vez primeira no noso centro, un xeito de integrar tamén a rapazas que viamos illadas sempre na nosa biblioteca e que hoxe sorriron por vez primeira con amplitude.










domingo, outubro 21, 2018

24 O: Día das Bibliotecas

"O día da luz"   Gonzalo Moure

moureVeño do deserto do Sáhara, de inaugurar unha biblioteca. Está en Dajla, o máis afastado, o máis esquecido dos cinco campamentos de refuxiad@s saharauís. É a cuarta biblioteca que construímos, e é preciosa. No centro plantamos árbores, para que @s nen@s e @s moz@s do Sáhara poidan experimentar o gozo de sentar baixo a súa sombra para ler un libro. Non queremos que esa biblioteca sexa ningún "templo de silencio", senón máis ben un espazo para o son, para o ruído. Unha biblioteca que xa é o lugar máis fermoso do campamento. Un espazo para desexar ir buscar lectura, pero tamén amizade, soños compartidos. Incluso amor. Un lugar no que namorar mirando uns ollos por enriba do libro. Porque ao fin e ao cabo, a biblioteca é o lugar onde se descobre ao outro, de papel ou de carne.

Nun filme inesquecible, o mellor filme de ciencia ficción da historia, "2001, unha odisea do espazo", aparece un monólito cada vez que o ser humano se dispón a dar un salto cualitativo. Kubrick, o seu director, debeu poñer un libro no seu lugar. Porque foron os libros os que marcaron o ritmo dos cambios do ser humano. Porque o libro é o laboratorio das mulleres e os homes, o lugar no que se experimenta con emocións, descubertas, utopías, apostas. Somos o que somos porquecartel fomos pensando e escribindo sobre como ser e sobre como non ser. E seremos o que pensemos, o que pensen e escriban as vindeiras xeracións.
Así que unha biblioteca non é só un lugar que convida a ler, senón tamén, ou por iso, un lugar que convida a escribir. As bibliotecas do século XXI so, poden ser, teñen que ser o sementeiro de novas novelas, novos monólitos, fitos do noso futuro. Se o século XX foi sen dúbida o século da lectura, o século XXI pode chegar a ser o século da escritura, xa o está sendo.

Por todo iso construímos bibliotecas nos campamentos do deserto. Porque non son só para @s saharauís. Págaas a nosa sociedade civil, mediante soci@s adult@s, e mediante actividades solidarias nos colexios, institutos e bibliotecas. E @s alumn@s e lector@s que as sufragan fanse conscientes do extraordinario que é ter unha biblioteca, aprenden a valorar a súa, a defendela. Cada biblioteca do deserto ten detrás a milleiros de nen@s, moz@s e adult@s que a fixeron posíbel co seu pequeno esforzo. Sumando. Cada lectora e lector saharauí ten ao seu carón a milleiros de lectoras e lectores, máis conscientes da importancia dunha biblioteca, porque co seu traballo construíuse unha, nun clima e lugar tan hostil.

Pensa na túa biblioteca. Houbo un día no que esa biblioteca non existía. Alguén soñouna, loitou por ela, encheuna de libros e tamén de soños. Faite do equipo dese alguén que a fixo posible, loita por un mundo no que non haxa un ser humano que non teña preto unha biblioteca, ou un amoroso "bibliobús". Que non haxa ningunha nena e ningún neno, moz@ ou adult@, que non roce a man dunha bibliotecaria que a aconselle, que o oriente no labirinto. Que é o mesmo que dicir que non haxa ningún ser humano conectado ao que foi, o que é e o que será.

Na túa man hai milleiros de mans, apertando a túa, acompañándote no camiño. Tenras ou con durezas, pequenas ou grandes. No libro que te agarda na mesa de noite ou xunto ao sofá, hai millóns de libros. Inxenuos ou complexos, humildes ou luxosos. Mais todos preciosos. Conectados todos por un invisíbel fío de prata que une man con man, andel con andel, un fío inacabábel e luminoso. Inacabábel, e que así sexa. Hoxe é o Día da Biblioteca, que é o mesmo que dicir "O día da luz".

Feliz día, feliz século. 

sábado, outubro 20, 2018

POÉTICAS DIVERSAS na biblioteca escolar



A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico (eses escutoides descoñecidos até agora), nesa voz que nos fala, nese abrazo que nos agarima... 
POÉTICAS DIVERSAS NA BIBLIOTECA ESCOLAR é o lema que a Consellería de Educación, Universidade e Formación Profesional  propón ás bibliotecas escolares para o curso 2018/2019, como chiscadela para descubrir a poesía que nos rodea, apoiádonos nos recursos e nas posibilidades da biblioteca escolar. Nuria Díaz foi a ilustradora convidada a interpretar este lema e a compoñer este fermoso cartel que, en breve, estará xa en todos os centros educativos galegos. 
Longa vida á poesía, "memoria do mundo", en palabras do poeta Juan Marqués, quen tamén afirma que a poesía, aínda que ninguén a lea, penetra nas conciencias e nas nacións e dá enérxicos empurróns á Historia, inventa e derruba deuses, funda e destrúe reximes políticos, declara guerras, move montañas... 
Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son.  

sábado, outubro 13, 2018

Día das Escritoras 2018




"Rebeldes y transgresoras es el lema de la tercera edición del Día de las Escritoras que se celebrará el próximo 15 de octubre en la Biblioteca Nacional de España.



La iniciativa, impulsada por la BNE, la Federación Española de Mujeres Directivas, Ejecutivas, Profesionales y Empresarias (FEDEPE) y la Asociación Clásicas y Modernas (CyM), nació en 2016 con vocación de continuidad y se celebra el lunes más próximo a la festividad de Teresa de Jesús. El objetivo es difundir el legado cultural de las escritoras de ámbito hispánico e hispanoamericano y recordar las dificultades que en el pasado impidieron tanto el desarrollo de su obra, así como reconocer su labor cultural. El acto consiste en la lectura de veintiún breves fragmentos de textos escritos por autoras españolas e hispanoamericanas, participando en el mismo personalidades de reconocido prestigio social y cultural, con una especial representación de creadoras en activo".



Visto en Docugénero.






mércores, outubro 03, 2018

Soengas metastaseounos

Hai días na vida dun centro que perduran na memoria. Deses días especiais, porque hai algún elemento que nos fai distorsionar as aulas para vivir aventuras memorables. Este luns foi un deses. 
Estaba todo preparado? Case non tiveramos tempo... o comezo do curso, as festas, e xa estaba aí o día 1 de outubro. Inauguración do curso académico ao grando: Marisol Soengas daba nome á aula de 2º de Bacharelato de Ciencias  e estaría connosco para compartir a súa sabedoría.
O que non sabiamos era que esta muller, número 1, é a humildade e a bonhomía en persoa. Ten un sorriso constante, un agradecemento continuo... É unha lección de vida. Non tardou moito en conquistarnos. É unha persoa tan próxima, é tan doado falar con ela... que o tempo voou. Maldito tempo que non permite que esta gran muller comparta máis espazo connosco.
Pero a súa pegada queda para sempre. Ademais, comparte "leira" con Ángel Carracedo... Algún día o noso recén inaugurado Corredor da Ciencia estará completo. Sería incrible xuntar a todas estas personalidades!!!



Marisol é tan especial que escribe no seu Facebook cousas coma estas:

So proud of being a scientist... La ciencia tiene muchos sinsabores, pero hay días en los que querrías saltar de alegría... y no solo por mí, casi tanto, por mi familia.

Yesterday I cried. Of pure joy. For being a scientist. For the possibility of helping others in research and in education, and even more so, when presented with a plaque and an award in my honor at a high school close where I was born...Hay momentos en esta vida que te dejan sin palabras, que te emocionan de tal manera que quisieras que se bloquease el tiempo. Instituto de Educación Secundaria Laxeiro en Lalín...no sé cómo agradecer el homenaje tan cariñoso que me habéis hecho! He dado muchas charlas para estudiantes, pero ninguna con un recibimiento con una banda de música... ni tampoco con una escultura maravillosa! Y desde luego, nunca había tenido la oportunidad de descubrir una placa personalizada, con un sol, cromosomas, y pequeños investigadores en la sombra para dar nombre a un laboratorio... todo esto con el himno gallego de fondo!!! Y el interés de los/las estudiantes en segunda charla sobre mujer y ciencia...indescriptible.














Tamén na prensa:

https://www.lavozdegalicia.es/noticia/deza/agolada/2018/10/02/mujeres-capacescurriculo/0003_201810D2C8991.htm


https://www.farodevigo.es/portada-deza-tabeiros-montes/2018/10/02/ciencia-perspectiva-genero/1971994.html