venres, abril 29, 2016

Clases sen fume (II)

O alumnado de 1º e 2º de ESO que participou durante o curso no clases sen fume rematou a última actividade.
Finalmente foron dous grupos de 1º e un de 2º ESO os que se esforzaron en rematar a tarefa, que pasa á fase de concurso (a ver se hai sorte). Grazas ao profesorado que colaborou cos grupos: María, Susana, Busto, Arantxa, Sergio, Felisa, Pilar e Ana.
Queredes ver algúns dos traballos? Aquí deixamos un par de vídeos presentando as actividades.








xoves, abril 28, 2016

No Sant Jordi

Si, un soño feito realidade. Unha fin de semana en Barcelona para respirar o Sant Jordi. E canto aprendemos! A defensa da lingua, o amor pola terra, o orgullo polo seu, o ambiente cultural, a celebración do libro... O club de lectura pola igualdade do noso centro, xunto co club de lectura de adultos de Silleda viviu o 23 de abril e viviu Barcelona. 
Para sempre nas nosas memorias


















Tamén na prensa:


mércores, abril 27, 2016

Uxía e Narf, un bocadiño

Unha pequeniña mostra da marabilla artística amosada:

 

Uxía e Narf: as baladas dunha Galiza imaxinaria

O xoves 21 de abril estiveron no noso centro dous dos artistas máis importantes da música galega: Uxía e Narf, que fixeron gala dunha simpatía e bonhomía que a todos e todas sorprendeu. Ademais dun concerto inesquecible fixémoslles unha entrevista e miles de fotos. Todo o alumnado asistente lembrará ese día como un dos máis especiais so seu paso polo noso centro de seguro.







E, por suposto, recollido na prensa:





martes, abril 26, 2016

domingo, abril 24, 2016

Infografías da ortografía española

Deixámosvos unhas moi interesantes infografías ortográficas españolas para que coidedes o voso xeito de escribir. Nós vímolas aquí:














sábado, abril 23, 2016

Día do Libro

Precioso o cartaz realizado por Fausto para este Día do Libro compostelán:


venres, abril 22, 2016

Día Mundial do Libro 2016

 "Os libros son para valentes" Pedro Feijoo




Coma en anos anteriores, a Consellería de Cultura, Educación e Ordenación Universitaria edita un pequeno díptico cun texto orixinal agasallo dun autor ou autora galega. Desta vez, o texto co que celebramos o Día do Libro é de Pedro Feijoo, quen afirma con rotundidade no seu texto Os libros son para valentes: "... eu tamén sei que para cada un de nós hai un libro. Un que nos explicará como é que funciona isto de vivir, como se sae adiante, como se avanza. Ou polo menos como poñerlle o rabo ás cereizas..."


xoves, abril 21, 2016

Bibliotecas virtuais

Dende o  CPIP "Cabo da area" chéganos esta infografía tan práctica cunha selección de bibliotecas e plataformas para a lectura dixital.:



martes, abril 19, 2016

Presentando o IES Laxeiro

O alumnado de 1º de ESO-C coa súa titora Mª José Rey realizaron este vídeo para presentar o instituto a finais do curso pasado como traballo para a materia de Lengua Española:


luns, abril 18, 2016

O fracaso do sistema

Vin en Cultura Inquieta estas ilustracións do artista polaco Igor Morski: un crítico da nosa sociedade con ilustracións onde analiza temas como a cobiza ou o culto pola beleza, ademais da crise dos valores tanto económicos coma sociais.