Este martes 12 o noso alumnado de 1º e 2º de Bacharelato acudiu ao Salón Teatro xunto co alumnado do IES Ramón Mª Aller para asistir á representación da obra de teatro "Té con Kant" da compañía Inversa Teatro. Esta actividade foi organizada polo Departamento de Filosofía.
Té con Kant, o novo espectáculo de Inversa Teatro, escrito, dirixido e interpretado por María Caparrini e Marta Pérez. Un proxecto experimental de teatro íntimo para presentar en Salóns e espazos non convencionais, onde dialogando co público, este terá que tomar a decisión última sobre o destino das personaxes apelando ó Imperativo Categórico Kantiano.
Un espectáculo onde o humor, a ironía e a filosofía van da man para
promover á reflexión (e acción) do público asistente, pasando pola
manipulación de obxetos, video-proxeccións, fotomontaxes, recortables e
teatro de sombras.
Té con Kant é un proxecto experimental que conxuga a combinación
entre o ensaio filosófico e a creación escénica xogando co humor e a
ironía para obter unha peza de teatro íntimo próxima ao formato de
teatro-didáctico-conferencia, onde as súas actrices e creadoras María
Caparrini e Marta Pérez tentan exercer como axitadoras filosóficas coa
pretensión de remover e promover a reflexión (e acción) do público
asistente ao redor da problemática moral nos nosos días, así como
examinar as vantaxes e inconvenientes morais da época ilustrada. Baixo o
espectro do seu amigo o filósofo Inmanuel Kant, exploran o porqué do
fracaso da ilustración e a súa absoluta confianza na razón humana para
dar paso á nosa época post-moderna na que predomina o fragmento e a
decepción. É posible aínda un mundo e sociedade mellores baixo os
ditames da razón ilustrada ou esta é ad infinitum unha condena ao
fracaso? Todo iso, será razoado entre as creadoras e o público baixo a
invitación dun exquisito té.
Unha veza máis, a actividade foi recollida pola prensa local:
Té con Kant clip 10 from Inversa Teatro on Vimeo.
Ningún comentario:
Publicar un comentario