27 de febreiro. Alumnado de
ciclos e bacharelato asistiu á proxección do documental "Tecido
resistente", no salón de actos Manuel Rivas do IES Laxeiro.
Marina Chiavegatto, xornalista e directora do documental,
presentou e respondeu ás preguntas do
alumnado sobre o proceso creativo da obra.
En "Tecido resistente"
un grupo de mulleres, traballadoras da fábrica "Hilados y Tejidos de Vilasantar" contan o que significou para
as súas vidas a incorporación ao mundo do traballo asalariado. Sen ser de todo
conscientes da revolución tranquila que estaban protagonizando, a mediados do
século pasado, máis de 300 mulleres descubriron que un traballo e un salario significaban
a súa independencia e a posibilidade de cambiar a economía e a organización
social dunha comarca.
Ningún comentario:
Publicar un comentario