Mira ti

Nesta semana do 8 de marzo (día internacional da muller) estará a disposición da nosa comunidade educativa a exposición “MIRA TI” . 

Consiste nunha exposición interactiva (cartulinas 3A divididas en temas que se distribúen pola clase, ou por unha zona visible e transitada do centro educativo) que contén xogos, imaxes e actividades que estimulan a formulación de preguntas. Os temas que trata son: as aparencias enganan, verdadeiro ou falso, feito ou opinión, todos menos eu, prexuízos, o chibo expiatorio e discriminación. Non só se centra en aspectos de estereotipias, discriminación e prexuízos, ben cara ás mulleres ou outros colectivos.

Desenvolvemento da actividade:

A metodoloxía consiste no visionado das cartulinas e a realización, de xeito simultáneo, das actividades dun caderno pequeno ou pasaporte que se entrega ao alumnado que se pode distribuír por parellas ou de forma individual para realizar a actividade. Unha vez completado, as respostas exporanse en clase, o que xerará un debate guiado polo profesor/a para o que tamén contará cun material de apoio (guía didáctica para docente). Será tamén apoiado pola dinamizadora do proxecto (orientadora).

O material é tanto da Asamblea de Cooperación Pola Paz como do departamento de orientación.