xoves, febreiro 28, 2019

Hai que empezar xa

 Greta Thunberg (2003), activista contra o cambio climático, participou no agosto pasado nas folgas estudiantís realizadas fronte ao Parlamento sueco para tentar xerar conciencia sobre o cambio climático.Nesta conferenia solicita unha acción inmediata ante a grave situación provocada polo cambio climático

 Vía

mércores, febreiro 27, 2019

Exposición de Eva Mirás




O Espazo Xove de Lalín inagura o día 4 de marzo unha mostra de fotografías dixitais en diferente formato, autoría de Eva Mirás.

Eva Mirás Gende é graduada en Belas Artes pola Universiade de Vigo, na actualidade cursa o mestrado de Mercadotecnia Dixital, Social Media & Community Manager na Universidade Complutense de Madrid.

O día 4 de marzo presenta no Espazo Xove de Lalín   o proxecto Nu onde reflexiona sobre a problemática do corpo feminino como individualidade, reafirmándoo como “suxeito empoderado” e non coma “obxecto de contemplación”.

A intención da autora di, “é plasmar o corpo cunha perspectiva forzada, que o ensalce, o monumentalice e que as formas primarias do mesmo funcionen como pinceladas e texturas proxectadas por medio dos pregos carnais. As posturas son aleatorias, deixando fluír o corpo dun xeito natural e sen prexuízos, xogando coa distancia cara a cámara e o movemento como pulo para fortalecer as imaxes. Isto, á súa vez, trata de romper cun canón de beleza estabelecido e uns cortes sociais que tentan condicionar o noso comportamento encasillándoo segundo a nosa cultura.”

A exposición permanecerá aberta ata o 2 de maio , en horario de 9:30 a 13:30 e de 16:00-21:00 de luns a venres.

domingo, febreiro 24, 2019

Canto sabes de Rosalía de Castro?

Hoxe é o Día de Rosalía. Precioso o vídeo que realizaron no concello da Estrada:





Dende GCiencia propoñen este xogo para mirarmos canto sabemos de Rosalía. Animádevos! Premede na ligazón:

https://www.gciencia.com/wp_quiz/canto-sabes-de-rosalia-de-castro/?fbclid=IwAR3uuReSIRwRGl4WmQDZ_boUa3m7hF6DhOLZFm6JLvZIu7WE_1UEHiPxQMY

xoves, febreiro 21, 2019

Feminicidios e desaparición de mulleres en México

 Mañá visitaranos no instituto a Defensora dos Dereitos Humanos, Aleida Quintana: activista, antropóloga social e defensora dos dereitos humanos, Aleida Quintana, realizaba traballos de acompañamiento e desenvolvendo bases de datos de familias de persoas desaparecidas, vítimas de tráfico de persoas, feminicidios, explotación sexual, traballo forzado, violencia doméstica, etc. Tivo que fuxir a España baixo a protección de Amnistía Internacional logo de recibir agresións e amenazas de morte.

As/os defensoras/es dos Dereitos Humanos son persoas que están en perigo de morte ou de sufrir desaparicións forzadas, detencións ilegais ou calquera violación grave dos seus dereitos civís. Con frecuencia están ameazadas e sufriron asasinatos, torturas ou represión grave na súa familia ou persoas próximas. Amnistía Internacional proporciona un ano de protección a estas persoas, durante o cal se lles ofrece residencia fóra do seu país. 





martes, febreiro 19, 2019

martes, febreiro 05, 2019

Represaliadas

Montse Fajardo veu ao noso centro para nos lembrar as consecuencias da Guerra Civil o martes 29 de xaneiro. Centrouse nas mulleres, sempre máis esquecidas, para lle poñer nome e apelidos a moitas das mullers que foron asasinadas, violadas, rapadas...
E así, lembramos que o Día da Paz é tamén aquel que merece ser chamado así por ter Memoria Histórica

















sábado, febreiro 02, 2019

'Red de Bibliotecas de Mujeres: 25 años de historia'

Este documental foi elaborado polo Centro de Documentación "María Zambrano" do Instituto Andaluz da Muller para conmemorar o 25º aniversario da Rede de Centros de Documentación e Bibliotecas de Mulleres. Un repaso pola historia recente das bibliotecas feministas no Estado Español.