sábado, decembro 22, 2018

Conquistando Celanova

Primeiro percorremos as rutas dos protagonistas da Esmorga. E logo seguimos os pasos dos nosos poetas máis sobranceiros por terras de Celanova. Un día inesquecible co alumnado de 1º de Bacharelato.






martes, decembro 18, 2018

Árbore de Nadal Científica

Este curso no IES Laxeiro estamos intentando facer máis visible a ciencia, participamos na semana STEM (25 alumnas e alumnos de 1ºESO), e foinos concedido o club de ciencia pola consellaría, polo que chegadas estas datas pensamos que a decoración tamén tiña que facer visible este aspecto.

Inspirándonos en que moitos laboratorios usan o seu propio material para decorar e acordándonos que o día da Ciencia en galego , que celebramos o 6 de novembro, a práctica de medición do pH, feita por alumnado de 4ºESO, quedara moi vistosa, desenvolvemos a idea de facer unha árbore de Nadal usando os balóns do laboratorio e os resultados da práctica de ciencias de medición do pH cun indicador natural.

Alumnado de 2ºbacharelato de ciencias fixo a práctica
 
Medición de pH usando COL LOMBARDA
que consiste en:

1º - Preparar o estrato de lombarda, cortando e fervendo a col e filtrando o líquido obtido, que será o que funciona como indicador.
2º – Estudar como este indicador natural se comporta ao enfrontalo a diferentes substancias, xa que ao engadilo a elas estas toman diferentes cores en función do seu pH

Tamén se fixeron algúns balóns usando indicadores de pH químicos, como o verde metilo, no laboratorio de física e química.


ÁCIDO
NEUTRO
BÁSICO
Zume de limón
Vinagre
Auga destilada
Bicarbonato Sódico
Amoníaco
Vermello
Rosa-Vermello
Violeta-Craro
Azul-Verde
Verde

Para darlle un pouco de decoración de natividade coroouse a árbore cunha estrela feita coa técnica da papiroflexia, decoramos a mesa cun papel vermello cheo de notacións das diferentes ciencias: matemáticas, física, química orgánica,... e ao fondo escribimos a descrición da práctica para que o alumnado poida ver que esas cores son resultado dun experimento científico feito no noso laboratorio.

Quixemos tamén, felicitar as festas usando elementos químicos da táboa periódica, gardando o rigor ao elixir as cores para cada grupo de elementos.

Fe Li Ce S Fe S Ta S I Es La Xe I Rh O

O obxectivo principal desta decoración é facerlle ver ao alumnado que a ciencia está presente no noso entorno e que aínda que ten unha parte árida no seu estudo, tamén ten unha parte divertida e atrainte que compensa o esforzo.

O profesorado que participou nesta actividade é dos distintos departamentos, Bioloxía, Física e Química, Tecnoloxía e Matemáticas, equipo da Biblioteca,  xunto con moitas ideas aportadas por outros profesores que puxeron o seu grao de area axudando a colocar ou valorando o traballo feito,  
GRAZAS A TODAS E TODOS.








E saímos na prensa:


luns, decembro 10, 2018

SEMANA STEM

SEMANA STEM
Science, Technology, Engineering and Mathematics
(ciencia, tecnoloxía, enxeñería e matemáticas)

O IES Laxeiro foi un dos poucos centros de secundaria da provincia de Pontevedra ao que lle foi concedida a Semana STEM, pola Consellería de Educación.
Na segunda semana do mes de Decembro o noso alumnado de 1º ESO, disfrutou dunha semana chea de ciencia, na que cada día tocaban unha rama diferente dela.
O proxecto desta semana xiraba entorno a unha ficticia misión ao planeta Marte, e o programa feito polo alumnado foi:
Día 1 de adestramento espacial: TERRAFORMACIÓN: fabricación dun miscroscopio e recollida de mostras. Construcción dun habitat espacial con material de refugallo.
Día 2 de adestramento espacial: IMPRESIÓN 3D: deseño de foguetes e elaboración de traxes espaciais.
Día 3 de adestramento espacial: ELECTRÓNICA: elaboración de circuítos e soldadura.
Día 4 de adestramento espacial: ROBÓTICA: montaxe e programación dun robot.
Día 5: XINCANA FINAL: Recoñecemento médico, construción dun habitat, lanzamento de foguetes, exploración co rover e simulación de voo espacial.

Ao volver dunha semana tan diferente as rapazas e rapaces viñan cheos de enerxía e de gañas de seguir descubrindo as diferentes áreas da ciencia, porque neses poucos días viron abrirse moitas portas descoñecidas para eles.
Foi moi gratificante falar con rapazas que me contaban, cos ollos cheos de brillo, o que lles gustara soldar compoñentes electrónicos, ou como entre varios rapaces e rapazas foran capaces de armar un pequeno robot e programalo. Outros contáronme como planificaron e logo imprimiron obxectos na impresora 3D, e outros a bonita experenza de fabricar o seu propio microscopio electrónico.

Pero non todo foi ciencia, tamén foi convivenza entre eles e con un grupo de alumnado de Malpica, cos que entablaron lazos de amizade que seguro que perduran no tempo. Todo o día estaba cheo de actividades lúdicas e formativas cargadas de contidos trasversais que lles axudaron a integrarse nun ambiente moi diferente ao que viven na aula día a día.
Ver ao alumnado contento polo vivido e con unhas gañas inmensas de compartir o aprendido cos seus compañeiros e compañeiras, fainos ver que as veces temos que sair fora da aula para abrirnos ao mundo e acercarllo a súa vez a aula.
Grazas a Consellería por programar esta actividade tan diferente e interesante e grazas as monitoras e monitores que conviviron cos rapaces porque os fixeron sentir como unha familia durante toda a semana STEM.
















luns, decembro 03, 2018

mércores, novembro 28, 2018

Novembro contra a violencia de xénero (XV)

O luns 26 realizamos diferentes actividades en manifestación contra a violencia de xénero. O acto no salón de actos estivo dirixido a alumnado de 1º e 2º de ESO, así como ao alumnado de FP Básica; aínda así, houbo algún que outro grupo que non quixo perder o momento. 










Pola súa banda, o alumnado de ciclos formativos plantou flores e puxo os nomes das asasinadas





martes, novembro 27, 2018

Mulleres que mudan o mundo

Dentro do mes contra a violencia de xénero recibimos hoxe a visita de Ita Xocol e Juventina López, lideresas comunitarias en Guatemala. Faláronnos do seu activismo en defensa dos dereitos das mulleres e da recuperación do territorio
 Ita Xocol e Juventina López representan a aquelas mulleres que loitan por unha vida digna en América Latina, África e Asia.
Foi un honor telas no noso centro e un gozo escoitalas e aprender delas.

luns, novembro 26, 2018

Bailando contra a violencia

O alumnado de Literatura Universal de 1º de Bacharelato decidiu aportar un gran de area contra a violencia de xénero:

 

domingo, novembro 25, 2018

Novembro contra a violencia de xénero (XIV)

Dende Trafegando ronseis:


Incansables, seguimos aquí. En positivo, sabendo que a violencia de xénero desaparecerá algún día e que chegará a forma parte da "memoria histórica" da sociedade, aprendendo dos erros para non volver caer neles.

 

sábado, novembro 24, 2018

Novembro contra a violencia de xénero (XIII)

Contra a violencia machista, o alumnado de 2º da ESO de Igualdade realizou esta performance baseada na "Escaleira da violencia" que explica Carmen Ruiz Repullo. 




luns, novembro 12, 2018

Novembro contra a violencia de xénero (II)

 I Concurso 25 de novembro-Imaxe gráfica




Despois dunha longa reflexión na aula  sobre o significado da violencia de xénero e as súas consecuencias na nosa sociedade, sobre todo na xuventude, xa que é o ámbito que máis nos preocupa por ser a parte coa que traballamos, o alumnado tentou plasmar graficamente a nosa postura contra esta lacra social que vén dada dunha concepción de sociedade patriarcal que se alonga no tempo. É por iso que se realizaron varios carteis e entre todos e todas os alumnos e alumnas da aula de Valores éticos de 1º ESO C escolleron o traballo de Laura Cacheda Fernández por ser o que mellor resumía e representaba o sentir de todos e todas.
A imaxe gráfica representa a árbore da “violencia cero” cuxas follas son lazos violetas (símbolo da loita contra a violencia de xénero), algunhas delas con lemas en positivo resaltando os valores que deben predominar na sociedade e outras cos contravalores que debemos rexeitar.





venres, novembro 09, 2018

Novembro contra a violencia de xénero (I)



Comezamos onte con  música, cunha montaxe con perspectiva de xénero que aborda as mensaxes de cancións que son en realidade mensaxes machistas ou violentas agochadas en forma de amor.




 O mes de novembro estará dirixido a concienciar a todo o alumnado o instituto contra unha lacra que ten o cume na morte pero que comeza cunha soa palabra, cun só xesto. Serán moitas e variadas. Por iso, onte, o alumnado de 2º e de 3º de ESO acudiu ao auditorio da vila para entender como moitas das cancións que tararean habitualmente non son nin sequera aceptables. Un espectáculo a cargo de Chevere, un proxecto pedagóxico musical que baixo o título "I 'll be watching you" ("Hei estar vixiándote") analiza cancións como "¿Dónde está el amor?" de Pablo Alborán, "Mala mujer" de Ctangana, "No soy una de esas" de Jessy&Joy e Alejandro Sanz ou "4 babie" de Maluma.