25N, "Lo Malo"

Baile realizado co gallo do 25 N do 2024, sobre a canción "Lo malo" de Aitana e Mar Guerra, no IES Laxeiro.

25N, "Rota"

 Performance realizada co gallo do 25 N do 2024, sobre a canción "Rota" de Mar Lucas, no IES Laxeiro.

Chicas nuevas 24H

 Acudimos ao Espazo Xove de Lalín para ver a exposición e o documental de Mabel Lozano. Doce pezas, entre fotos e carteis, e o visionado, deron para unha charla coloquio co alumnado de 3º da ESO.

 

 

25N, "Reina"

Performance realizada co gallo do 25 N do 2023, sobre a canción "Reina" de Ruth Lorenzo e Tanxugueiras.

25N, "Lisístrata"

 Baile realizado co gallo do 25 N do 2023, sobre a canción "Lisístrata" de As fillas de Cassandra.

25N, o manifesto

 O manifesto que lemos o día 27, luns no que realizamos as actividades en contra da violencia de xénero no noso centro:

MIL DUASCENTAS TRINTA E NOVE.

Podemos repetir esta cifra:

MIL DUASCENTAS TRINTA E NOVE.

Seguramente non o recordemos, pero o pasado 25 de novembro comezabamos o noso discurso con outra cifra: MIL CENTO SESENTA E SETE; esta correspondíase co número de mulleres asasinadas dende o ano 2003, momento no que se empezaron a recompilar estes datos.

Como vedes, a cifra aumentou.

Cada ano asasínanse máis e máis mulleres polo feito de selo. Porque a violencia machista é iso: maltratar e matar persoas pola súa condición de mulleres. Nada máis.

E nada menos. 

Porén, a violencia que se exerce contra nós, as mulleres, vai máis alá dun golpe, vai máis alá dun asasinato...

Esta violencia forma parte dun sistema heteropatriarcal que nos somete e que nos oprime. A violencia machista tamén é Rubiales, tamén son os puteros, tamén é ese home que unicamente mira as mulleres con tetas e vulva a quen tocar; é o control; é ter que levantar a voz para que se nos escoite.

Hoxe, 25 de novembro, concentrámonos en nome das irmás Mirabal, e de todas as persoas vítimas de violencias machistas, para visibilizar un problema que non remata e para amosar a nosa repudia, indignación e sororidade. Xuntámonos tamén para comunicarnos que non estamos soas, que esta loita ten que ser colectiva e que, como di Paul B. Preciado: a ficción non se opón á verdade, e cada vida individual é unha historia colectiva.   

Dende o IES Laxeiro, dicimos NON á violencia machista, amosamos a nosa INDIGNACIÓN ante esta realidade que continúa a abafarnos, e pedimos REFLEXIÓN DISIDENTE. Porque o futuro será feminista ou non será, e porque estamos fartas de vivir nunha sociedade na que moitas das persoas que a compoñen continúan crendo que a diferenza entre homes e mulleres unicamente depende do xenital co que nacemos.

Temos que seguir defendendo o poder da solidariedade colectiva como a única forma de combater as inxustizas que nos rodean e nos atravesan como mulleres.  É importante seguir unidas desde a mirada feminista, protexéndonos, coidándonos, e esixindo o dereito a vivir unha vida digna. Por todo isto, hoxe e sempre, repetimos*:

Querémonos vivas

Nin unha menos!!!

 

E agasallamos a todo o alumnado do centro con este bolígrafo e este marcapáxinas:

 

Marabilladxs

 E volveu. E conquistou. E o alumnado abriuse.

Con Lionel

 Non fomos, veu el. E o alumnado de 1º de Bacharelato quedou convencido!

Encontro especial

 Encontro con persoal de asociación CONCAVIS (casa refuxio no Salvador)

O noso 8M en imaxes

 Onte, a pesares da folga, foi unha mañá intensa de actividades para lembrar que o 8M segue a ser necesario, aquí e en todas as partes do mundo.  Realizamos un percorrido poético pola Historia da Muller, onde o protagonismo recalou -non podía ser doutro xeito- no club de igualdade.

 

 

Estes son algúns momentos do acto:

Lama

 Neste 8 de marzo, lembramos que xuntas, podemos avanzar en igualdade. Un tema que fala de parar, coller forzas e seguir adiante. Versión da canción "Lodo" de Xoel López, a cargo de dúas alumnas de 3º da ESO.

Muller inigualable!!!

 Desta volta, con 3º de ESO!!!

Hoxe, con Erick Pescador

 Hoxe, con Erick Pescador, e 4º da ESO

Preparando máquinas

 Estaremos en todas:

Realidade social e violencia de xénero

 Por fin, hoxe puidemos escoitar a Miguel Lorente, a quen agardabamos dende o ano pasado. Un forense que coñece a realidade: "Mi marido me pega lo normal".

Golpes

 Este martes, a través do Plan Proxecta “365 días de respecto e igualdade”, o alumnado de 2º de ESO tivo a oportunidade de asistir á obra de teatro protagonizada por Estíbaliz Veiga “Golpes” na que, a través da interpretación de diversos roles, a actriz fai un percorrido polos diversos estereotipos de xénero aos que estamos abocadas: no caso das mulleres, a sensibilidade, a sumisión, a vulnerabilidade, a delicadeza... e, no caso dos homes, a dureza, o control, a promiscuidade como logro.... 

 

Violencia publicitaria

 Vivimos nunha sociedade machista, desigualitaria. Hoxe, 9 de xaneiro, Gela, ao abeiro do Plan Proxecta - “Por 365 días de respecto e igualdade”, achegouse ao IES Laxeiro para explicar ao alumnado de 3º de ESO C cal é a orixe desa desigualdade e que podemos facer para cambiala. Seguimos cos mesmos modelos de homes e mulleres dende hai moitos anos, e isto é contraproducente porque estes modelos xeran desigualdades. Os homes morren por suicidios, por accidentes de tráfico, por consumo de drogas, por practicar deportes de risco e por homicidios, e todas as causas están relacionadas co modelo de home educado para ser guerreiro; pola contra, non son asasinados polo feito de ser homes. Pola contra, as mulleres non son educadas para ser heroínas, de aí que as causas maioritarias das súas mortes non sexan as anteriormente mencionadas. 

A linguaxe, a familia, os axentes de comunicación, as amizades, así coma os medios de comunicación, son machistas. Recibimos 3.000 impactos publicitarios cada día, e a maior parte deles son machistas; o sexismo no catálogo de xoguetes, unha campaña do Carrefour polo “Día del niño”, un anuncio publicitario de post-it... Todos eles amosan unha desigualdade absoluta entre homes e mulleres, sendo os primeiros quen ocupan a posición do privilexio.

Unha charla amena e esclarecedora que, esperamos, lle servise ao alumnado para poder reflexionar e analizar o mundo que o rodea como un lugar desigual, no que nin a linguaxe nin un aparentemente non problemático anuncio dun colutorio bucal, nunca é inocente. 

 

Relacións tóxicas

 Rosa, terapeuta ocupacional do Centro e Recuperación Integral para mulleres que sofren violencia machista de Compostela, achegouse ao IES Laxeiro para falar co alumnado de 4º de ESO das toxicidades que se xeran nas xeracións de parella. Foi unha charla interactiva na que a relatora foi indagando nas opinións do alumnado en relación ao que consideran amor, namorarse, querer... para así chegar a saber o que en realidade debería ser unha relación saudable. 

 

Con Pantallas Amigas

 O pasado 1 de decembro, Maider, de Pantallas Amigas, veu ata o IES Laxeiro para adentrar o alumnado de 1º de ESO na reflexión e análise da existencia de violencias machistas nas nosas realidades. Como identificar unha relación tóxica e desigualitaria, así como o retrato de diversas situacións machistas no noso día a día, foron o leimotiv dunha xornada esclarecedora que, coidamos, lle servirá ao alumnado para crear conciencia e continuar por ese camiño da non violencia. 

Unha actividade encadrada dentro do Plan Proxecta “por 365 días de respecto e igualdade”. 

 

O noso 25 N (VII)

 Este 25 N apostamos asemade polo respecto á diversidade, pola ledicia da cor e pola variedade. O noso alumnado dirixido polo profesorado de música realizou unha versión de "Panos corados" das Tanxugueiras, xunto cunha coreografía que acompaña: