Onte, a pesares da folga, foi unha mañá intensa de actividades para lembrar que o 8M segue a ser necesario, aquí e en todas as partes do mundo. Realizamos un percorrido poético pola Historia da Muller, onde o protagonismo recalou -non podía ser doutro xeito- no club de igualdade.
Estes son algúns momentos do acto:
Neste 8 de marzo, lembramos que xuntas, podemos avanzar en igualdade. Un tema que fala de parar, coller forzas e seguir adiante. Versión da canción "Lodo" de Xoel López, a cargo de dúas alumnas de 3º da ESO.
Curta de Pixar que constitúe un alegato contra o machismo, a discriminación e o acoso.
Conta a historia metafórica dunha muller que se incorpora a unha oficina na que só hai homes, e tras a indiferencia e presión dos seus compañeiros, sométese a un cambio radical para comportarse coma eles e encaixar.
Pouco despois chega Lacey á empresa, unha traballadora coa que Purl séntese identificada e decide volver a ser a mesma de antes e principiar unha amizade con ela sen lle importar a opinión do resto.
Reflexións:
Cres que unha muller ten que demostrar a súa valía no traballo máis ca un home?
Un grupo de alumnas do noso club de Igualdade lémbrannos que a Igualdade non está aínda conquistada. Foi algo que partiu delas e queremos agradecer a Zerua Galego a súa implicación no camiño do feminismo.
Este curso será o último que este grupo de mozas que "trafegaron pola igualdade" dende hai catro anos, cando estaban en 3º da ESO, conquistaron o noso corazón feminista. Dende aquela primeira reunión temos tido moitas xuntanzas e temos compartido moitas lecturas, moitas confidencias e temos aprendido moito, tanto de diversos obradoiros como das lecturas como delas mesmas, persoas interesantes e interesadas.
Ímolas botar de menos. Agardamos que veñan futuras xeracións que estean tan comprometidas coma elas. Pero sei que para min serán sempre un referente e que dende a distancia estarei sempre orgullosa das súas conquistas e da súa loita feminista. Porque se de algo non teño dúbida ningunha, é que a causa feminista subirá un chanzo máis na súa loita grazas a elas.
Quérovos.
Curta de Pixar que constitúe un alegato contra o machismo, a discriminación e o acoso.
Conta a historia metafórica dunha muller que se incorpora a unha oficina na que só hai homes, e tras a indiferencia e presión dos seus compañeiros, sométese a un cambio radical para comportarse coma eles e encaixar.
Pouto despois chega Lacey á empresa, unha traballadora coa que Purl síntese identificada e decide volver a ser a mesma de antes e entablar unha amizade con ela sen lle importar a opinión do resto.
