8M

Un ano máis, lembramos que non existe a Igualdade real. Realizamos actividades para o alumnado de 1º e de 2º de ESO no salón de actor, por mor da folga para o resto do centro.

Golpes

 Un ano máis, esta obra de teatro que nos encanta.

Quérote +

 Obradoiro sobre educación sexual o 20 de novembro para 2ºFPB:

 

Mulleres na proa

 Traballo feito na materia "Proxecto competencial" de 1º de ESO sobre as mulleres mariscadoras e traballadora do mar. Enfoque de igualdade para un traballo moi descoñecido na realidade cotiá do noso alumnado.

Marabilladxs

 E volveu. E conquistou. E o alumnado abriuse.

Con Lionel

 Non fomos, veu el. E o alumnado de 1º de Bacharelato quedou convencido!

Encontro especial

 Encontro con persoal de asociación CONCAVIS (casa refuxio no Salvador)

Muller inigualable!!!

 Desta volta, con 3º de ESO!!!

Hoxe, con Erick Pescador

 Hoxe, con Erick Pescador, e 4º da ESO

Preparando máquinas

 Estaremos en todas:

Realidade social e violencia de xénero

 Por fin, hoxe puidemos escoitar a Miguel Lorente, a quen agardabamos dende o ano pasado. Un forense que coñece a realidade: "Mi marido me pega lo normal".

Golpes

 Este martes, a través do Plan Proxecta “365 días de respecto e igualdade”, o alumnado de 2º de ESO tivo a oportunidade de asistir á obra de teatro protagonizada por Estíbaliz Veiga “Golpes” na que, a través da interpretación de diversos roles, a actriz fai un percorrido polos diversos estereotipos de xénero aos que estamos abocadas: no caso das mulleres, a sensibilidade, a sumisión, a vulnerabilidade, a delicadeza... e, no caso dos homes, a dureza, o control, a promiscuidade como logro.... 

 

Violencia publicitaria

 Vivimos nunha sociedade machista, desigualitaria. Hoxe, 9 de xaneiro, Gela, ao abeiro do Plan Proxecta - “Por 365 días de respecto e igualdade”, achegouse ao IES Laxeiro para explicar ao alumnado de 3º de ESO C cal é a orixe desa desigualdade e que podemos facer para cambiala. Seguimos cos mesmos modelos de homes e mulleres dende hai moitos anos, e isto é contraproducente porque estes modelos xeran desigualdades. Os homes morren por suicidios, por accidentes de tráfico, por consumo de drogas, por practicar deportes de risco e por homicidios, e todas as causas están relacionadas co modelo de home educado para ser guerreiro; pola contra, non son asasinados polo feito de ser homes. Pola contra, as mulleres non son educadas para ser heroínas, de aí que as causas maioritarias das súas mortes non sexan as anteriormente mencionadas. 

A linguaxe, a familia, os axentes de comunicación, as amizades, así coma os medios de comunicación, son machistas. Recibimos 3.000 impactos publicitarios cada día, e a maior parte deles son machistas; o sexismo no catálogo de xoguetes, unha campaña do Carrefour polo “Día del niño”, un anuncio publicitario de post-it... Todos eles amosan unha desigualdade absoluta entre homes e mulleres, sendo os primeiros quen ocupan a posición do privilexio.

Unha charla amena e esclarecedora que, esperamos, lle servise ao alumnado para poder reflexionar e analizar o mundo que o rodea como un lugar desigual, no que nin a linguaxe nin un aparentemente non problemático anuncio dun colutorio bucal, nunca é inocente. 

 

Relacións tóxicas

 Rosa, terapeuta ocupacional do Centro e Recuperación Integral para mulleres que sofren violencia machista de Compostela, achegouse ao IES Laxeiro para falar co alumnado de 4º de ESO das toxicidades que se xeran nas xeracións de parella. Foi unha charla interactiva na que a relatora foi indagando nas opinións do alumnado en relación ao que consideran amor, namorarse, querer... para así chegar a saber o que en realidade debería ser unha relación saudable. 

 

Con Pantallas Amigas

 O pasado 1 de decembro, Maider, de Pantallas Amigas, veu ata o IES Laxeiro para adentrar o alumnado de 1º de ESO na reflexión e análise da existencia de violencias machistas nas nosas realidades. Como identificar unha relación tóxica e desigualitaria, así como o retrato de diversas situacións machistas no noso día a día, foron o leimotiv dunha xornada esclarecedora que, coidamos, lle servirá ao alumnado para crear conciencia e continuar por ese camiño da non violencia. 

Unha actividade encadrada dentro do Plan Proxecta “por 365 días de respecto e igualdade”. 

 

Non normalizamos a violencia

 Desde que vimos o vídeo tristemente famoso dos cánticos machistas do Elías Ahuja sabiamos que non podiamos calar. Os nosos berros debían ser ben fortes e saír das nosas aulas.

 O instituto Pérez Guzmán de Ronda deunos a idea, polo que agradecemos publicamente a súa iniciativa. 

Agora tócanos a nós berrar en clave positiva, porque outra sociedade é posible, e pretendemos axudar a construíla dende o noso centro.

Coa forza no falar

 Obradoiro de cantigas tradicionais e percusión miúda.

 

Aprender con Mabel

 Estamos na recta final pero non queremos parar de nos formar. Agardamos con ilusión a visita de Mabel Lozano para o alumnado de 4º de ESO e 1º de Bacharelato.

Coa Repullo apréndese sempre

 O alumnado de 2º da ESO tivo a sorte de falar con Carmen Ruiz Repullo, nunha xornada intesa e definitoria sobre a sexualidade, o machismo, as relacións non consentidas, a amizade...

Coeducámonos... E seguimos!

 Mañá máis, desta volta par o alumnado de 3º da ESO:

O resultado desta charla, espectacular. Estíbaliz foi toda unha descuberta que non queremos esquecer.