Proxecto Prunia

 O noso alumnado pasará a historia por seren os creadores dunha nova palabra para a lingua galega. Falando de prunias.

Música nas Letras, música para Laxeiro

 Mañá é un día especial para a nosa patria, e non queriamos deixar pasar a data sen facer algún tipo de homenaxe. Así que o departamento de música organizou unha pequena festa para tocar, bailarmos... e pasar un tempo alegre recordando que esta música encantaba ao noso Laxeiro.

Telexornal Florencio Delgado Gurriarán

 Telexornal Florencio Delgado Gurriarán realizado polo Departamento de Lingua Galega do CPI dos Dices, Rois.

Xela Arias, honestidade e protesta

A palabra esgazada

Ilustracións de @Terteres

Este ano 2021, tan especial, a Real Academia Galega RAG decidíu homenaxear a unha escritora tamén moi especial, Xela Arias, no 17de maio Día das Letras Galegas.

Innovadora, rebelde e inconformista. Activista pola paz, gran defensora da lingua galega, ecoloxista e feminista. Xela Arias foi sen dúbida unha muller comprometida coa sociedade de seu tempo.

https://educandoenigualdade.wordpress.com/2021/05/16/xela-arias-e-as-letras-galegas/

https://ateneoatlantico.blogspot.com/p/as-letras-mais-galegas.html

A Real Academia Galega aborda a vida e a obra da protagonista das Letras Galegas 2021 nesta serie documental de 6 episodios.

https://academia.gal/comunicacion/videos/agrupacion-177635

https://twitter.com/mflmonica/status/1394195998021459970?s=20

Manifesto polo galego. Maio 2018

 

Manifesto polo galego. Maio 2018

Manifesto. Texto. Non deixes arrefriar a lingua

Érache boa!

Se pensabas que os de arriba ían preocuparse polos de abaixo, estabas nun erro. Se crías que a mellor garda para un poleiro era unha raposa, ías de cú. Se soñabas cunha dirixencia comprometida co país, andabas na berza. Porque o corvo nunca foi máis negro cás ás... e porque xa chegou a hora de lle sacudir a polaina aos que esmagan a nosa lingua e a nosa cultura, desde o Ateneo Atlántico chamamos a atención sobre a perda de peso das industrias culturais en Galiza e, nomeadamente, do sector editorial que ten en Vigo o seu lugar de referencia, histórico e económico.

E preguntámonos por que ninguén dá conta da caída -nun 50%!- dos libros publicados en galego, da compra de libros para bibliotecas, das axudas públicas á traducción, das campañas de animación a lectura ou da ausencia de Galiza nas feiras do libro internacionais.

A resposta pode estar en que como cidadanía non nos mobilizamos, nin reclamamos abondo, mais logo laiámonos de que descenda o número de falantes na mocidade. Hai que reaccionar contra o discurso hipócrita e contra a parálise!

Por nós non vai deixar de ser. Daquela...

Chamamos a cidadanía a implicarse nesta causa como algo primordial: porque as ameazas son moito maiores cas oportunidades; porque non podemos deixar esmorecer unha actividade que xera 31.000 empregos e aporta o 2% ao noso PIB; porque se segue o ritmo de caída na valorización e uso da lingua perderemos o elemento identitario máis forte que posuímos; e porque llo debemos aos que a mantiveron viva durante séculos, agochada pero aquecida...

Non deixes enfríar o galego.

Dálle calor. Disfrútao. Fáino medrar.

É unha demanda social e política. Pero tamén é un compromiso persoal.

Imos alá!

Homenaxe a Xela Arias

 

Sei que só podo escribir desde muller, desde miope e desde galega
Nones Araújo

Xa de volta: as pedras non teñen nome
E as estrelas pousadas cravaron nos muros
Liñas directas da paisaxe ó corazón
Ata perder Valor.

Agora teño o idioma inclinado nas entrañas,
Relátome polo paseo arriba mergullada.
Ignoro que lugar é este onde me atopo.
A paixón que aniño ten por veces o bico en berro:
Se te preciso cando te agardo non vés nunca.

Por perpetua-lo mar por facer auga: mireivos.
Onde estamos amor onde estamos?
Enganchada nas virtudes das olladas
Trouxen augamel para agasallarte:
Arróupote arrequecido no meu colo.
Estou tan lonxe que xa non regreso...

Teño a alma abrazada por fenómenos estraños:
Rompéuseme o vaso nas mans,
As plantas decaídas e os silencios dos trasteiros
Desconsolados.
Un abano na túa man que se aferra e me acaricia.
Todo para nada.
O tempo anda arando estropicios e
Repasa logo a ollada no pouso dos afectos.
A vida é verdade. De certo, a vida ía en serio.

Versos escollidos de Poesía reunida (1982-2004). X. A.

Teatralizando a Xela Arias

 Grazas ao compañeiro Lucho de Departamento de Lingua Galega, o alumnado realizou unha serie de Performances sobre tres poemas de Xela Arias.

"Desorde":

"Nunca máis"



"Os vosos fogares"

Recuncho da muller invisible: Xela Arias

O mes de maio, o noso recuncho da muller invisible está dedicado, non podía ser doutro xeito, a Xela Arias.

https://padlet.com/sheilafdezconde/Bookmarks

 

Telexornal Xela Arias

Informativo realizado polo Departamento de Lingua Galega do CPI dos Dices, Rois.

66 palabras palabras fermosas

Que mellor ramo á celebración do Día das Letras Galegas que este feixe de 66 palabras fermosas da nosa lingua. Unha iniciativa de Rubén Fontán Taboada alumno de 1º de Bacharelato coa colaboración de mozas e mozos de Deza e Trasdeza que nos dan unha lección de agarimo e de esperanza.

Moitas grazas rapaces polo agarimo cara á nosa lingua. Vós sodes o futuro. Convosco están garantidas "mil primaveras máis".

Parabéns a todas e a todos.

Telexornal Carvalho Calero

Un ano máis, dende o CPI dos Dices de Rois, chéganos un estupendísimo traballo: o Telexornal sobre Ricardo Carvalho Calero

O deporte galego fala galego

Antonio Fraguas e os seus mestres.

Dende o  I.E.S de Cotobade:

Lingua que navega

Para lembrar que as nosas Letras e a nosa lingua utilizámola todos os días do ano e non só o Día das Letras, agora temos bolígrafos que escriben só na nosa lingua e alfombras de ordenador que nos lembran que os seus ratos fan o seu traballo en galego:

Letras na Praza 2019

Un ano máis, celebramos o Día das Letras Galegas na Praza de Abastos da vila. Desta volta coa actuación de Pauliña, quen antes visitou o noso centro para charlar co alumnado da súa música e as súas vivencias. 

https://www.lavozdegalicia.es/noticia/arousa/cambados/2019/05/09/foto-miguel-souto/0003_201905D9C109920.htm

https://www.farodevigo.es/portada-deza-tabeiros-montes/2019/05/09/sesion-musical-laxeiro-paulina-praza/2101791.html

Antonio Fraguas

Liña do tempo do autor do Día das Letras 19, elaborada polo IES San Paio:

Letras galegas 2019

Para homenaxear a Antón Fraguas dende a  Biblioteca "Saturnino Hermida" do I.E.S. Concepción Arenal (Ferrol)., o mestre galeguista que traballou todos os eidos da nosa cultura, desde a etnografía ata a lingüística, pasando pola arte, a xeografía, a literatura e a historia, queremos compartir con vós este video. 

 

Letras na Praza

Un ano máis, celebramos o Día das Letras Galegas na Praza de Abastos da vila. Esta vez, coa actuación dos D'Abaixo, e como convidados especiais o alumnado e profesorado visitante do proxecto Erasmus.

Letras e arte

Novamente, grazas ao profesorado de Plástica, que pide a alumnas e alumnas que amosen os seus dotes artísticos. E abofé que o conseguen!