Dentro do "ano Laxeiro" o alumnado de 3º ESO C realizou un obradoiro de máscaras a cargo de Luchi, a partir de cadros do noso artista.
venres, febreiro 25, 2022
xoves, febreiro 17, 2022
Votemos polo que é noso
Non sei se sabedes que este ano podemos votar por unha árbore galega para o concurso "tree of the year" 2022. Trátase do carballo de Conxo, testemuña do famoso banquete de Conxo de hai máis dun século, lugar onde se reivindicou a nosa cultura e fala.
Premede nesta ligazón para votar:
https://www.treeoftheyear.org/Vote
Lembrade seguir as instrucións para facelo ben e que gañe o que é de noso!!!
martes, febreiro 08, 2022
ELAS PODEN, TI PODES!
Co gallo do Día da Muller e a Nena na Ciencia, o alumnado de 4º ESO participou no programa ‘CONÓCELAS’, unha iniciativa da Asociación Española de Investigación sobre o Cancro (ASEICA), que reúne a cerca de 150 científicas en colexios de toda España para visibilizar ás investigadoras que hai ‘detrás da bata’.
A través dunha conexión en directo, o alumnado puido descubrir e falar directamente cunha das “detectives do cancro”: a científica Antonia Tomás Loba. Antonia reflexionou sobre a labor das mulleres científicas e das dificultades que tiveron ao longo da historia para que fosen recoñecidos os seus méritos. Compartiu ASEICA e do fundamento biolóxico do cancro, da súa traxectoria como estudante e científica, así como do proxecto no que está a traballar actualmente na Universidade de Murcia. Neste proxecto investigan a influencia dos ritmos circadianos no desenvolvemento de tumores. Explicounos como estudos epidemiolóxicos revelan que a ruptura do ciclo de sono-vixilia, aumenta o risco de desenvolver cancro de fígado, mama e próstata e do relevante que é entender o mecanismo molecular que relaciona a ruptura do sistema circadiano e a aparición de tumores, xa que o cancro de fígado é a terceira causa de morte por cancro.
O alumnado tivo a oportunidade de facer unha visita virtual ao seu laboratorio na que se atapaba traballando o equipo de investigación que dirixe e como realizaba diferentes experimentos para facer fronte a esta enfermidade.
Antonia transmitiu optimismo e motivación, deixando moi claro que calquera alumno/a pode conseguir o que persiga e destacando o poder das mulleres na ciencia.
Coa participación neste evento, visibilizamos o labor das investigadoras, fomentamos novas vocacións científicas e animamos ao alumnado e, en particular, ás nenas do noso centro a que se interesen pola Ciencia.
mércores, febreiro 02, 2022
Concurso Luís Gustavo
Un ano máis, convocamos o curso científico en honor ao noso prezado Luís Gustavo. Sempre nos nosos corazóns.