Meter o título (1)

Fernando González Salas escribe este poema a partir dos títulos:

Estudando na Escola de Menciñeiros,

conseguín atopar moitos Biosbardos,

aprendín todo sobre A cociña galega,

tamén entendín moitos  Poemas galegos,

mesmo a crear Teatro pra xente;

tiven tempo de coñecer ao mellor Castelao escritor,

e xa non o lembro

                  pero souben disfrutar dunha boa Esmorga,

entablei amizade coas Fadas Verdes,

xoguei no Corazón do bosque durante varias horas

e da miña nai recibín uhas tenras Cartas de inverno

pero, ao final, tiven morriña 

e

cando volvín á miña casa

                       deixei moita Xente ao lonxe.

Aínda así, 

vivín o resto da miña vida coma se nacese Made in Galiza.


Rubén Otero Cibeira escolle títulos de Álvaro Cunqueiro:

Na Cociña galega

utilizamos Herba aquí e acolá,

é coma unha Escola de menciñeiros,

para Xente de aquí e de acolá,

para Merlín e familia

ou para Os outros feirantes.

Na Cociña galega

sempre houbo Tesouros novos e vellos,

sempre foi coma a noite,

xa que A noite vai coma un río,

ou coma un Mar ao Norde.

Pero esta cociña,

nunca valeu para a Dona do corpo delgado,

ou para O incerto señor Don Hamlet, Príncipe de Dinamarca.

O que é algo que debemos apreciar.