#ViolenciaZero

Dentro da programación Mulleres en Acción: Violencia Zero da Deputación de Pontevedra, asistimos a unha performance no Concello de Lalín

O Programa Mulleres en Acción: Violencia Zero da Deputación de Pontevedra, que nace para apoiar e visibilizar as nosas creadoras galegas, poñendo o foco sobre a tremenda lacra da violencia machista que azouta cada día a nosa sociedade.

Na súa 4.ª edición, comprende un total de 25 novas accións participativas ao longo dos 12 meses do ano, en 25 concellos da provincia: performance (Nieves Correa, Luz Darriba, María Vallina, Silvia Antolín, Teresa Búa e Concha Mayordomo), poesía (Iolanda Zúñiga e Estíbaliz Espinosa), música (Rendi Nue, Sara de Sousa, Alba María e Lupe Blanco, Femininoplural e Konafro), graffiti (Doa Oa, Iria Fafián, Lidia Cao e Vanesa Álvarez), danza contemporánea (María Move, Nuria Sotelo e Marta Alonso) e acción escénica (Helen Bertels, Diana Mera, Carmen Conde, Marta Pérez e Cristina Balboa). Todo un ano visibilizando esta realidade, en contacto e colaboración coa mocidade, co alumnado de centros escolares, asociacións de mulleres, colectivos diversos, corporacións municipais e toda a variedade de públicos que se pode concentrar nun determinado espazo, nunha praza, nunha rúa, nun lugar de tránsito. E a través do empoderamento da muller no eido cultural e artístico.

Un programa cheo de reivindicación e talento na que a protagonista é a participación colectiva. Trátase dunha experiencia artística compartida na que o público, e sobre todo a mocidade, formará parte activa das obras xunto ás creadoras e tomará posición crítica (e artística) nesta loita contra a violencia machista, nese "sentir para facer sentir", nese "reflexionar para facer reflexionar".

    TÍTULO ACCIÓN ESCÉNICA: SOFÍA

    INTERPRETACIÓN: MARTA PÉREZ

    DATA: XOVES 4 DE ABRIL ás 12:00 h.

    LUGAR: VESTÍBULO DO CONCELLO DE LALÍN

Violencia de xénero na publicidade e nos medios audiovisuais

 O luns 1 de abril acudiu ao noso centro Gela G. Sánchez-Albornoz, quen, no marco do Plan Proxecta 2018-2019 dentro do programa da Secretaría Xeral da Igualdade “Por 365 días de repecto e igualdade” falounos sobre a violencia de xénero en xeral e o tratamento da muller na publicidade.

Como non fixemos ningunha foto, recollemos unha publicada en Monferosolidario:

Momentos de lectura

Nós Mesmas

A Asociación Nós Mesmas veu onte ao noso centro para impartir obradoiros sobre a diversidade sexual co alumnado de 4º de ESO.

Pantallas amigas

Pantallas Amigas impartiu durante toda a mañá de onte charlas a todos os grupos de 1º e 2º de ESO sobe a violencia dixital, a privacidade e a seguridade na rede...
Unha charla moi interesante onde moito aprendemos

Carlos Negro

Onte día 26 o autor da nosa terra Carlos Negro veu presentarnos o seu último libro, Aplicación instantánea. Estivo acompañado ademais por dúas alumnas nosas que lle realizaron unha entrevista. Sorprendeunos coa súa posta en escena e a variedade dos seus poemas!!!

Con Alberto Garrido

O  venres 22 tivemos a oportunidade de escoitar a experiencia vital dun exculturista, Alberto Garrido, ferrolán de 44 anos que tivo a valentía de dar a coñecer, de primeira man, cales son as consecuencias do consumo de sustancias prohibidas e perigosas,  co fin de mellorar o rendemento ou, como no seu caso, acadar un corpo acorde as esixencias do modelo de competición da súa disciplina.
Alberto deixou claro que todo adolescente que se inicie nunha sala de musculación e lle guste unha disciplina como o culturismo, debe ter moi presente que o consumo deste tipo de sustancias ten un efecto devastador no organismo, como el mesmo puido comprobar. 
A saúde debe estar por riba de calquera afán competitivo e a loita contra o dopaxe debería estar moito máis presente nesta disciplina, pois segundo as palabras de Alberto, practicamente o 100% dos e das culturistas que acoden a competicións de certo nivel, o fan sen pasar controis de dopaxe e coa sombra da sospeita enriba deles.

Día da árbore

Un ano máis, celebramos o Día da árbore e do Día da poesía plantando árbores e recitando poemas. Este ano fixemos dúas actividades, unha no parque de sempre co alumnado de 3º de ESO e outra co alumnado de 2º de Bacharelato plantamos carballos.
Aquí algunhas fotos:

Somos Booktuber (22)

Booktuber do libro  "Vestio", de Xosé Miranda,  realizado por Fátima Jácome Iglesias

Campaña para denunciar como o plástico mata a vida mariña

Como non cambiemos hábitos de consumo e reciclaxe o planeta non o resistirá. E como unha imaxe vale máis ca mil palabras, a ONG Sea Shepherd vén de lanzar unha agresiva campaña publicitaria para preservar a vida da fauna mariña.
Unha bolsa de plástico pode parecer inofensiva, pero non o é: representa un sufrimento extremo ou mesmo a morte para miles de animais nos océanos.

Fotografía vía PADI

Los anuncios, en 3D, se han creado gracias a la colaboración entre Tribal Worldwide São Paulo y DDB Guatemala, y lanzan un demoledor mensaje "El plástico que usas una vez tortura a los océanos para siempre".
Acompañando a este texto, se muestran fotografías de diferentes animales marinos, como focas y tortugas, muriendo asfixiados en una de nuestras bolsas de plástico; la producción en 3D fue desarrollada por Notan Studio con la intención de ganar en realismo y en crudeza.



Guiga Giacomo, Director Creativo Ejecutivo en Tribal Worldwide São Paulo explica, “Desafortunadamente, una acción pequeña e irreflexiva en nuestra vida diaria puede causar un gran daño a la naturaleza sin que nos demos cuenta, por eso, con esta campaña, nuestro objetivo es remediar esto llegando al mayor número posible de personas, concienciando del hecho de que, con pasos pequeños y fáciles, podemos garantizar que no ocurran escenas tan terribles como éstas".
La próxima vez que decidamos cometer la imprudencia de tirar algo al mar, debemos pensar en que, justo debajo, hay millones de animales que también merecen la vida.



Desde aquí

Sempre combativa

"Sempre combativa" é um tema de Enxebres, grupo de pandereteiras -e regueifeiras- do IES Marco do Cambalhom das Cruzes: Nuria, Lorena, Aleixandra, Marta, Alba e Carla.

Acadar

Presentouse onte no noso centro a Guía sobe a violencia sexual a nenas e mulleres con discapacidade por parte da Asociación de Mulleres con Discapacidade de Galicia (ACADAR). Canda a presentación da guía houbo unha performance da artista Mónica Mura que se acompañaba dunha exposición fotográfica sobre a mesma performance.

https://www.farodevigo.es/portada-deza-tabeiros-montes/2019/03/15/23-mujeres-15-hombres-menores/2069038.html

http://www.cogami.gal/es_ES/difusion/sala-de-prensa/noticias/acadar-presenta-en-el-ies-laxeiro-de-lalin-una-guia-sobre-violencia-sexual-hacia-las-ninas/

ACADAR, a Asociación de Mulleres con Discapacidade de Galicia, foi constituída no 2009  por un grupo de mulleres con inquietudes e desexos comúns de alcanzar a igualdade efectiva de oportunidades das mulleres con discapacidade de Galicia. A misión da entidade é a de promover, coordinar e reivindicar a defensa dos dereitos das mulleres con discapacidade en todos os ámbitos da vida, facendo visible a interacción dos diversos factores que condicionan a nosa autonomía e sitúannos nunha posición con maiores niveis de discriminación.

A finais de 2018, ACADAR edita a guía Violencia sexual cara ás nenas e mulleres con discapacidade financiada pola Secretaría Xeral de Igualdade da Xunta de Galicia e polo Ministerio de la Presidencia, Relaciones con las Cortes e Igualdad. A realización da guía ten o obxectivo de visibilizar este tipo de violencia que permanece oculta, sobre todo entre o colectivo de nenas e mulleres con discapacidade, e estamos ante unha realidade moi presente aínda nos nosos días.

A actividade que se realizará no centro é unha presentación desta mesma guía coa presencia da Secretaria Xeral de Igualdade da Xunta de Galicia, Susana López Abella e a presidenta de ACADAR, Mónica Álvarez San Primitivo. Posteriormente á presentación inicial se fará unha performance cos materiais empregados para o proceso de realización da guía. Esta obra a realizará a artista Mónica Mura empregando un xogo de luces e sombras e unha pequena exposición coas fotos realizadas pola mesma artista para a guía.

Estas presentación realizaránse en 4 centros de toda Galicia inscritos no programa Por 365 días de Respecto e Igualdade sendo o IES Laxeiro de Lalín o primeiro en acoller esta actividade. A iniciativa de facer estas presentacións nos centros de secundaria ven de detectar a necesidade de implantar unha mensaxe ao alumnado destas idades e poder concienciar sobre esta realidade.

Sing for the Climate

15M

Mañá, o noso alumnado estará de folga por unha causa que ben o merece. Axudemos a loitar contra o cambio climático:

Festival Atlántica de Narración Oral

Con Sousa

Daniel Sousa Rodríguez, ex-alumno do noso centro, licenciado en Relacións Internacionais,  estivo hoxe co alumnado de 1º de Bacharelato para falar da súa experiencia laboral e formativa, e para charlar asemade da súa experiencia no Parlamento Xove. 

Dúas horas que voaron.

https://www.farodevigo.es/portada-deza-tabeiros-montes/2019/03/12/daniel-sousa-rodriguez-ao-parlamento/2066957.html

Nós tamén manifestar

 8 de marzo.

O ano pasado estabamos aí . Este ano, máis e mellor. Porque ás mulleres non nos van parar, seguimos na loita. Estas mozas decidiron facer as pancartas, decidiron manifestarse. Non as levamos da man, porque elas son libres e independentes. Estamos orgullosxs delas!

Falando de mulleres

Traballo do alumnado de 2º de ESO  da materia de Igualdade, para conmmorar o 8 de marzo.

Algunhas científicas de noso

Traballo do alumnado de 2º de ESO A arredor das mulleres científicas de Galicia, para conmmorar o 8 de marzo.

Tódalas mulleres que coñezo

Hoxe ás 11:00   proxectamos “Tódalas mulleres que coñezo”, de Xiana do Teixeiro. 

 Un documental que fala, a través da conversación de tres rapazas, de como elas perciben esta sociedade masculinizada, así coma o medo e a violencia que esta proxecta.

Somos Booktuber (21)

Booktuber do libro  "Un animal chamado néboa", de  Ledicia Costas realizado por Adriana Pampín Diéguez

Somos Booktuber (20)

Booktuber do libro  "Lolita", de  Vladimir Nabokov realizado por Sara Granja Sanmartín: 

Somos Booktuber (19)

Booktuber do libro  "Aplicación instantánea", de  Carlos Negro realizado por Lucía Fernández Cuíña:

Somos Booktuber (18)

Booktuber do libro “Europa Express” de Andrea Maceiras realizado por Lucía Failde:

 

Aprendemos a regueifar

O alumnado de 1º de ESO tivo durante dúas sesións (xoves 21 e xoves 27 de febreiro) un obradoiro de regueifas que os levou a saber un pouco máis sobre a difícil arte de poetizar e cantar.