sábado, maio 09, 2015

Moita poesía, pouca diversión


Lucía Aldao e María Lado celebraron connosco o Día do Libro, 23 de abril. Con elas aprendemos que a poesía é divertida, que a retranca defínenos e que son un dos mellores matrimonios literarios que hai no noso pequeno país.



Como é un espectáculo de poesía, o título non é outra cousa máis ca unha metáfora. Quen saiba ver detrás a letra do grupo punk Eskorbuto, esa que reza “mucha policía poca diversión/un error, un error!”, pode xa facerse unha idea clara da actitude coa que nacen os recitais de Lucía Aldao e María Lado.



 "Moita poesía, pouca diversión" pretende chamar a atención daqueles que miran a poesía de reollo. Para iso sérvense de tal provocación que só encerra unha verdade: para elas a lectura de poesía non pode ser algo que adormeza o espectador. Partindo deste presuposto, Aldao e Lado presentan un recital de poesía ameno, dotado de ritmo e comunicación aberta co espectador, no que este adquire ademais un papel activo. Durante o recital hai música en directo, xogos, historias que rodean os poemas, momentos de reflexión... pero sobre todo hai comunicación poética pura e verdadeira.



 Os textos que compoñen o recital son poemas propios, creados polas dúas poetas, algúns inéditos e outros recollidos en libros ou revistas. A música, parte substancial do espectáculo, pona a guitarra e a impresionante voz de Lucía.


E así foi este tamén inesquecible día:



Segunda parte:



Terceira parte:


Tamén na prensa:

Ningún comentario:

Publicar un comentario