Clases sen fume

Os días 19 e 23 de novembro, visitounos a Dra. Victoria Aldea do Sergas, para explicar ao alumnado de 1º e 2º ESO (que participa no programa Clases sen fume) aspectos do tabaco (componentes, aspectos da publicidade das tabacaleiras…), valoración do CO na espiración mediante cosimetría ao alumnado, dinámicas sobre presión grupal…

O Clases sen fume busca a prevención do consumo de tabaco en alumnoado de 12 a 14 anos, facilitando que sexa coñecedor da problemática asociada ao seu consumo, e que sexa responsable da súa saúde (aquí inclúense aspectos como coñecer a influencia da presión de grupo e saber como resistila de forma asertiva, ter alternativas saúdables ao consumo de tabaco e conduta aditivas/negativas asociadas, reforza a confianza nun mesmo/a…).

Ademais cada grupo-clase ten unha serie de actividades a desenvolver durante as titorías:

-Elaborar un eslogan, que consistirá nun lema cunha mensaxe positiva orientado á prevención do tabaquismo e que deberá ser acompañado dunha representación gráfica orixinal (primeiro trimestre).

-Desenvolver unha actividade creativa en relación coa prevención do tabaquismo (segundo trimestre).